- 372 -

1397. Okt. 18. Goldberg.

Der Rath zu Goldberg erbittet sich vom Rath zu Liegnitz Auskunft über einen angeblich von einem hiesigen Schlosser nachgemachten Schlüssel der Stadt Niclasdorf.

Frundlichen gruz czu for. Liben frunde, wir thun euch czu wissen, daz czu vns geschicht gescheen synt, daz eyn maen Francze Institor genand, vunden ist bye nacht yn eyner kaufkammer, vnd wolle von eyme hawfen yn eynem sag gesaket, dorvmme. her gewichen ist, wenne daz sedir yn eyner heymelichkeit dy Niclosdorffer czu vns komen synt vnd haben vns gesagt, daz sy aws ir dresekammer vorlorn haben, kelche, monstranczen vnd andir gerethe bye beslossener thoer, des vun vnser frouwen tag worczeweye eyn jar ist gewest, sunder alze vil daz wir besampt haben vnser slosser vnd des bekante eyner vnter en, daz vme dy selbe czeit alze dy Niclosdorffer daz gerete vorlorn haben, Francze Institor czu em wer komen vnd hette brocht eyne forme eyns slossels yn wachs gedrogket vnd hette en gebeten, daz her en slossel dornoch vislich machen sulde, den sulde maen notlich keigen Nickolsdorff habon, do wolde is der slosser nicht tuen. Do sprach institor, her wolde czyhen keigen Legnicz, do worde her em wol gemachet. Vnd czu den selben czeiten wonete Institor czu Niclosdorff; vnd daz sich dy Niclosdorffer vff den selben Institor ir sachen vormuten, wenne liben frunde, daz wir euch senden dy formen der slossel von Niclosdorff yn desem briue, vnd beten euch, daz ir yn euwer heymelichkeit sendet noch euwern slossern, vnd en gebet, alze ir wol wisset, ap ir keyner eyn sulchen slossel gemachet hette, vnd vns daz vorschribet vmbe vnsers dinst willen. Gegeben vnder vnser stat segel am donrstage noch Galli, anno domini MCCCXCVII°.

Rathmanne czum Goltberge.

O. d. St. L. No. 188. Das Siegel ist vom Papier abgesprungen. Auf der Rückseite die Aufschrift: Den irbarn.. Rathmannen czu Legnicz vnsern besundern gunnern.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866